حفظ الليمون في الثلاجة لمدة 6 شهور

لو اشترينا ربع كيلو ليمون و شيلناه في الثلاجة هانلاقي نصفة ضرب واصفر قبل مايكمل اسبوع في التلاجة ونرمى ونجيب غيره اخضر وهكذا ناخد منه كام واحدة ونرمى الباقى
لكن بالطريقة اللي هاتقولنا تيتة اوزي عليها هايفضل في التلاجة اخضر زى ما هو
وطبعا نخزن منه وقت ما يكون رخيص فى الاسواق لان بيجى اوقات بيبقى ضعف تمنه

نجيب اى كمية ربع او نص او كيلو ونسيبه ناشف زى ما هو مش نغسله ونجيب ورق جرايد و هنلف فيه الليمون بس مش كل الليمون  فى ورقة واحدة ونلفه لا هنلف ليمونة ليمونة و انا باقطع الصفحة الواحدة مثلا 8 اربع متكونش الورقة صغيرة اوى عشان نعرف نلف فيها الليمونة ونبرمها من الجهتين و هانجيب علبة بلاستيك محكمة الغلق علشان ميدخلش لها رطوبة و ورق الجرايد  بيمنع رطوبة التلاجة متاثرش على الليمون ولو دخل جوا العلبة مية الليمون اللى هيطوله مية هيضرب والافضل كل شهر نطلع الليمون من العلبة كل فترة نهويه ساعة كدا زى ما هو بالورقة مش نطلعه من الورقة ولا حاجة وبعدين ندخله العلبة وندخلها التلاجة
الطريقة دى هتريحكم اوى لانكم هاتجيبوا الليمون كل فترة و كمان توفير فى مصروف البيت بدل ما كل شوية الييمون يبوظ وتشتروا غيره

اتمني الطريقة تعجبكم و في انتظار خبرتكم و تعليقاتكم فالتعليق مفتوح للجميع