لاقيتي في الارز سوس طيب تعالي اقولك علي الحل

الجو في الصيف بيكون حار جدا وفي بعض البيوت البقوليات و خصوصا الارز مش بتستحمل الحر و عالطول نلاقي فيها السوس ظهر و يا سلام لو كانت كمية الارز كبيرة للتخزين بتكون خسارة كبيرة و ست البيت ممكن تسمعلها كلمتين مش حلوين من ابو العيال علشان كدة تيتة اوزي هاتعرفنا نتخلص ازاي من السوس من غير مانرمي الارز او اي بقوليات ونخسر ونوفر علي نفسنا اي كلام نسمعة مالوش لازمة في الحلول التالية

1 - حطى الارز فى طبق وحطى الطبق فى طبق تانى مليان مايه وكل شويه قلبى الارز ولما يختفى السوس هاتى ملح خشن وقلبيه فى الارز

2 - او حطيه في طبق كبير وسبيه في البلكونه في الشمس يومين مش هتلاقي حاجه فيه

اتمني مش يحصل كدة لاي بيت لكن للاسف بيحصل وعلشان كدة بندور علي حل و في انتظار خبرتكم ليستفيد الجميع من خلال التعليق