غسيل الشبابيك من غير بهدله و بطريقة سهلة

غسل و تنظيف الشبابيك معناة لكل ربة منزل ( وخصوصا لو الشبابيك خشب ) بنلاقي واحدة جايبة الجردل والفرشه وميه بصابون وميه نضيفه وعلي الشبابيك وهي في مكانها متركبة تبدأ الحفلة و بتنتهي بدش حلو لهدومها و ياسلام لو الجو ساقعة يبقي هاتختم بدور برد محترم ودا مش يرضي نيته أوزي


وواحدة تانية تخلع الشبابيك و تغسلها في الحمام و طبعا بيتبهدل و عايز بعد كل دة حفله تنظيف له كمان
و في مرحلة تركيب الشبابيك ممكن لاقدر الله تفلت ضلفة و تقع في الشارع دا غير التعب في تركيب الشبابيك

و واحدة تانية تجيب قماشة و تفضل تلمع في الشبابيك لحد ماتتعب خالص و طبعا الشبابيك ولا اتأثرت يعني لسة مش نضيفة

والحل كان مع تيته أوزي سهل وعبارة عن


الادوات:-

1 – طبق فيه ماء بصابون او سائل تنظيف

2 - فرشاه لغسل الشبابيك

3 - زجاجة سائل مواعين ( مثل بريل او فيري ) فاضيه و نعبيها ماء


الخطوات 

نغسل الشبابيك بالفرشه والصابون ونشطفه بالزجاجة من خلال الضغط عليها كأنها حنفية او خرطوم ماء وبكدة الشبابيك هاتتغسل في من غير بهدله للجيران ولا لينا ولا للبيت 

اتمني يكون الموضوع فعلا مفيد و في انتظار تجاربكم و اتمني تكتبوها من خلال التعليقات ليستفيد غيرنا