تخزين الطماطم بطريقة سهله و سريعه

تخزين الطماطم بطريقة سهله جدا وعملية وبتوفر وقت كتير لما نيجي نستخدمها لانها جاهزة ومش بتاخد وقت خالص لو هنسبكها بالاضافةانها بتوفر فلوس كتير لانها اوقات سعرها بيغلي اوي و لو مش عندنا هانضطر نشتريها غالية لكن بطريقة تيتة أوزي هانوفر فلوس كتير و وقت و مجهود لانها هاتكون متخزنة عندنا في الفريزر و طريقتها كالاتي

نجيب كمية الطماطم كلها ونغسلها ونحطها كامله مش متقطعه في حله مع كمية صغيرة من الماء علي نار هاديه ونتركها تغلي وبعد شوية نطفي عليها هنلاقي الطماطم نزلت كل الماء اللي فيها
نصفيها من الماء اللي نزل منها ونضربها في الخلاط
ونصفيها
ونحطها علي النار تغلي هانلاقيها اتسبكت في وقت قليل جدا لان ميتها كلها نزلت
ونفرزها في اكياس علي حسب الكمية اللي بنحتاجها

اتمني الموضوع يكون مفيد للجميع و في انتظار تعليقاتكم و تجاربكم و خبرتكم ليستفيد الجميع