الغسيل الابيض اكبر مشكلة بتقابل ست البيت في غسيلها لانه بيطلع بعد الغسيل لونة باهت او مصفر ومطفي و نفضل نجرب في وصفات و اضافات للغسيل لحد ما القماش يشيط و برضة يفضل الابيض مصفر و مش منور لحد ما تيتة أوزي عرفت السر و هاتقولنا عليه كالاتي
هانجيب الغسيل الابيض و ننقعة من بالليل الي الصبح في ماء و عليه 2ونصف كوب خل و الصبح هانخد الغسيل من غير شطف ولا عصر و نحطة في الغسالة و نشغلها عادي زي مابنغسل طبيعي و ان شاء الله هانلاقي البيض بقي ابيض ناصع و منور و طبعا الخل هايحافظ علي الغسالة مش احنا بنشغل الغسالة كل شهر علي الفاضي بالخل بس كدورة تنظيف للغسالة دلوقتي هانضرب عصفورين بحجر واحد هانغسل و هاننضف حلة الغسالة من اي ترسبات ممكن تضرها و تاثر علي كفائتها في الغسيل
يارب الفكرة تجربوها و تعجبكم النتيجة و اوعوا تنسوا التعليق بخبرتكم فالتعليق مفتوح للجميع
شكرا جزيلا
ردحذف