الكوي دا مشكله للسيدات و الرجال لانة بياخد وقت و احيانا بعض انواع الاقمشة بتغلب في الكوي زي الكتان و طبعا الجينز محتاج كوي كويس و غيرهم من الاقمشة و طبعا الكوي بياخد وقت و ست البيت وراها 100 حاجة تعملها تانية غر الكوي و الحل كان كالاتي
كلنا عارفين ورق الالمونيوم او بعض الناس تطلق عليه قصدير او ورق فويل
هانجيب قطعة منه علي قد مساحة تربيزة المكوي او المكان اللي بنستخدمه للكوي و نفرشة عليه و فوقة قماش تربيزة المكوة او قماشة نفرشها عليه لو بنكوي فوق تربيزة او مكان الاخر و هانجيب الملابس اللي عايزة تنكوي و نضعها فوق القماش و نكوي هنلاقي الملابس اتكوت من الناحيتين بسرعة و السر اللي بتعرفنا علية تيتة أوزي ان ورق الالمونيوم بيحتفظ بدرجة الحرارة و بكدة كاننا عندنا بدل المكوة اتنين واحدة من كل ناحية من الملابس
و علشان الملابس تكون ريحتها حلوة هانحط كمية من اي منعم ملابس ريحت تكون بتعجبنا في بخاخة و نزود باقي البخاخة ماء و نرش علي الملابس قبل الكوي مباشرة هانلاقي ريحة الملابس بقت عطرة و اتكوت بسهولة و لو الاقمشة ن النوع اللي بيكون مكرمش اوي زي الكتان هانلاقيه اتفرد بسرعه
و يارب الموضوع يكون عجبكم و تجربوا الفكرة و تطمنوني و لاتنسوني من تعليقاتكم فالتعليق مفتوح للجميع
والله انا عندي مريول المدرسة دائما اعاني منه لانه من انايلوا ويبقي فيه بقع المكواة ماذا افعل ساعدوني
ردحذف