حفظ و تخزين الشبت بطرق مختلفة

الشبت من الخضرة اللي بنستخدمه في اكلات كتير و طبعا حفظة في الثلاجة مش بيخلية يفضل كويس كتير و كامهات كتير بيجي عليها اوقات بتحتاجة في الاكل لكن للاسف بيكون خلص او اصبح مش سليم و علشان كدة تيتة أوزي هاتعرفنا طريقة تخزينة لمدة تصل لعام يعني لو في امهات مش بيخرجوا او السوق بعيد عنهم هاتنفعهم فكرة تخزينة في الفريزر و تيتة أوزي هاتقولنا علي تكة تخلية يفضل لونة اخضر في الاكل و مش يسود و اليكم الطريقة

الطريقة الاولي

هانجيب الشبت و نغسله كويس ونسيبه يتصفى من الماء ثم نقطعه ونحطه فى اكياس صغيره فى الفريزر الكيس على اد الاكلة او في كيس واحد وناخد منه علي اد الاكلة لانه مش بيتجمد اوي التكة اللي هاتقولنا عليها تيتة أوزي اننا لما نحب نستخدمه نطلعه وهو مجمد نحطه فى الاكلة اللى بنسويها على النارعلشان يفضل لونه اخضر و لا نتركه يفك لانه هيسود و يستخدم في اكلات كتير مثل المحشى  و اكلات تانيه مختلفة ومش هايتغير طعمه وممكن نحتفظ به فى ا لفريزر لمدة سنه


الطريقة الثانية

هانجيب الشبت و نغسله كويس ونسيبه يتصفى من الماء ثم نقطعه ثم يترك تقريبا من 4 الى 5 ايام فى المطبخ وكل يوم نقلبه تقليبة وبلاش نحطه فى الشمس لان الشمس هتصفر الورق و نتركه لحد ما ينشف خالص زى الملوخية او النعناع و نفركه زي الملوخية الناشفة و نحتفظ به في برطمان للاستخدام المهم نبعد عنه اي ماء و ممكن نستخدمة في اكلات مختلفة


الطرقة الثالثة

هانجيب الشبت و نغسله كويس ونسيبه يتصفى من الماء ثم نقطعه ثم يترك ينشف
ثم نحطه فى علبه ناشفة بغطا محكم و نضع تحته في اسفل العلبة قطعه قماش قطن ثم نحتفظ به فى التلاجة وناخد منه خلال الاسبوع هايبقى طازة



وبالف هنا و اتمني يكون الموضوع عجبكم و في انتظار تعليقاتكم