تخزين الكزبرة الخضراء لمدة طويلة

الكزبرة الخضراء من انوع الخضرة اللي بنستخدمها في اكلات كتير و طبعا حفظها في الثلاجة مش بيخليها تفضل كويسه كتير و في امهات كتير بيجي عليه اوقات بتحتاجها في الاكلو علشان كدة تيتة أوزي هاتعرفنا طريقة تخزينها لمدة تصل لعام يعني لو في امهات مش بيخرجوا او السوق بعيد عنهم هاتنفعهم فكرة تخزينها في الفريزر و تيتة أوزي هاتقولنا علي تكة تخليها يفضل لونها اخضر في الاكل و مش تسود و اليكم الطريقة

الطريقة الاولي

هانجيب الكزبرة الخضراء و نغسلها كويس ونسيبها تتصفى من الماء ثم نقطعها ونحطها فى اكياس صغيره فى الفريزر الكيس على اد الاكلة او في كيس واحد وناخد منها علي اد الاكلة لانها مش بتتجمد اوي التكة اللي هاتقولنا عليها تيتة أوزي اننا لما نحب نستخدمها نطلعها وهي مجمده نحطها فى الاكلة اللى بنسويها على النارعلشان يفضل لونها اخضر و لا نتركها تفك لانها هاتسود و تستخدم في اكلات كتير مثل المحشى السمبوسك و اكلات تانيه مختلفة ومش هايتغير طعمها وممكن نحتفظ بها فى ا لفريزر لمدة سنه

الطريقة الثانية

هانجيب الكزبرة الخضراء و نغسلها كويس ونسيبها تتصفى من الماء ثم نقطعها  ثم تترك تقريبا من 4 الى 5 ايام فى المطبخ وكل يوم نقلبها تقليبة وبلاش نحطها فى الشمس لان الشمس هتصفر الورق و نتركها لحد ما تنشف خالص زى الملوخية او النعناع و نفركها زي الملوخية الناشفة و نحتفظ بها في برطمان للاستخدام المهم نبعد عنها اي ماء و ممكن نستخدمها في اكلات مختلفة مثل تتبيلة الكفتة او اي اكلات مختلفة

الطرقة الثالثة

هانجيب الكزبرة الخضراء و نغسلها كويس ونسيبها تتصفى من الماء ثم نقطعها  ثم تترك تنشف
ثم نحطها فى علبه ناشفة بغطا محكم و نضع تحتها في اسفل العلبة قطعه قماش قطن ثم نحتفظ بها فى التلاجة وناخد منها خلال الاسبوع هاتبقى طازة



وبالف هنا و اتمني يكون الموضوع عجبكم و في انتظار تعليقاتكم